晨光歌曲

東芳國小本土語言教育

前言　囝仔歌　俗諺　詩歌　盤喙錦　民間童話　晨光歌曲　謎猜　孽譎仔話　俗語擂台

晨光歌曲

雨的花蕊　101年9月

雨水雨水

一點一滴

跋落溪仔底

開成一蕊一蕊

小小的花蕊

　

花蕊花蕊

滿滿是

浮浮起起

答答滴滴

親像吟歌詩

Do Re Mi Fa Sol La Si

　

花蕊花蕊

隨風走千里

唱過一首佫一首

美麗的歌詩

　

　

西北雨直直落　101年6月

西北雨直直落，鯽仔魚卜娶某。

鮕鮐兄拍鑼鼓，媒人婆仔土虱嫂，

日頭暗揣無路，趕緊來火金姑，

做好心來照路，西北雨直直落。

西北雨直直落，白鷺鷥來趕路。

搬山嶺過溪河，找無岫跋一倒，

日頭暗卜怎好，土地婆做好心來帶路，

西北雨直直落。

　

　

白鴒鷥　101年5月

白鴒鷥車糞箕車到溝仔墘

跋一倒抾著兩鮮錢

一鮮儉起來好過年

一鮮買餅送大姨

　

白鴒鷥車糞箕車到溝仔墘

跋一倒抾著兩鮮錢

哎喲一鮮儉起來好過年

一鮮買餅送大姨

送大姨送大姨

註：◎白翎鷥：白鷺鷥
◎抾著：撿到

　

　

阿財天頂跋落來　101年4月

汝講奇怪無奇怪

汝講奇怪無奇怪

我講奇怪真奇怪

請恁逐家聽看覓

阿財阿財

天頂跋落來

跋一下真利害真利害

有目睭唉唷無目眉

有喙鬚唉唷無下頦

有腹肚唉唷無肚臍

汝講奇怪無奇怪

真奇怪

註：◎逐家：大家
◎目睭：眼睛
◎目眉：眉毛
◎喙鬚：鬍鬚
◎下頦：下巴
◎跋一下：跌一跤

　

　

春天佇陀位　　101年3月

春天佇陀位我去問花蕊

花蕊講伊才睏醒叫我去問露水

春天佇陀位我去問露水

露水講伊咧曝日叫我問白翎鷥

春天佇陀位我問白翎鷥

白翎鷥講水牛咧等伊叫我去問貓咪

春天佇陀位我去問貓咪

貓咪一直哈唏續咧擱洗臉叫我去問阿弟

春天佇陀位我去問阿弟

阿弟目睭笑微微原來春天佇遮覕

註：◎佇陀位：在哪裡
◎睏：睡
◎曝日：曬太陽
◎白翎鷥：白鷺鷥
◎哈唏：打哈欠
◎擱：又
◎目睭：眼睛
◎佇遮覕：躲在這裡
★『春天佇陀位』入圍第18屆金曲獎【最佳兒童樂曲專輯獎】
★『黃靜雅-春天佇陀位』榮獲第18屆金曲獎-傳統暨藝術音樂類【最佳作詞人獎】

　

　

笑微微的囡仔歌　

阿公的門口埕
火雞在叫是咕嚕咕咕咕咕，雞公在叫是咕咕咕，

鴨咪仔在叫是(口瓜) (口瓜) (口瓜) ，

這是阿公的門口埕。

透早起床就聽到鳥仔聲，

日時大人無閒，囡仔就癢(口戚)喳，

暗時阿公講古，阿媽唸歌，

充滿快樂的門口埕。

笑微微的白鴒鷥

笑微微的白鴒鷥，欲坐孔翹椅，

蟾蜍講伊無要與，叫伊去揣膨鼠。

膨鼠講伊在食蕃薯，叫伊去揣山豬。

山豬當在學捌字，拜託水牛佮伊與。

一個飛懸，一個落去，

白鴒鷥耍甲歡歡喜喜，

白鴒鷥耍甲歡歡喜喜。

白扇子

白扇子白扇子橫著行，

海邊的日頭真正大。

雷公熠爁嘛毋驚，

媽媽講阮第一名。

白扇子白扇子橫著行，

無人敢對伊講話大聲，

手舉懸懸為按怎，

阮的勇敢第一名。

　

歡喜聖誕節　　王金選作

北風呼呼吹，誰人對遮過，

聖誕老阿伯，禮物揹一大袋；

也有運動鞋，也有尪仔冊，也有糖仔佮番麥，

實在有夠濟~~~

緊來提，緊來提，一人有一個；

樓頂樓跤茨邊頭尾，逐家歡喜做伙，

也唱歌，也泡茶，也有講笑詼；

上重要的就愛感謝~~~

聖誕老阿伯！

註：感謝金安公司‧真平企業提供本歌教學使用(非營利使用)

囝仔歌

大豬公

大豬公，穿皮鞋，

透早賣清糜，半晡賣紅茶；

中晝做豆花，下晡種木瓜；

欲暗仔賣碗粿，

暗時夜市仔賣甜粿，

三更半暝去修理電火。

　

水蛙厚話

水蛙水蛙，見面厚話，

講阮大姊，講恁小妹，

講東講西，講天講地，

愈講愈花，愈講愈多。

　

火金姑

火金姑，火金姑，

頭殼紅紅翅黑黑，上愛匿在草仔蒲；

火金姑，火金姑，

電火藏腹肚，暗時通好去找某。

　

雞

一隻雞，睏草埔，

草埔暗搔搔，

伊喊：「烏烏烏」

　

鳥仔

鳥仔四界找朋友，

看到人就搧手，

是不是欲找人去喝酒，

無哪會歸路咧喊「酒酒酒」！

　

傻黑貓

傻黑貓，頭殼貯石頭，不吃魚欲吃柴頭，

不掠老鼠欲掠猴，暗時講欲曝日頭。

　

囝仔歌

阿公是老人，

阿兄是少年人，

阿爸是查甫人，

阿母是查某人，

阮小妹是紅嬰仔，

阮小弟是細漢囝仔，

我是學生囝仔，

阮攏是囝仔人。

　

食飯歌

我欲食飯，我欲食飯，

腹肚枵，腹肚枵；

雞肉、豬肉，好食，

青菜、豆腐好食，

真好食，真好食。

我欲食飯，我欲食飯，

腹肚枵，腹肚枵，

牛奶、漢堡好食，

豆奶、饅頭好食，

真好食，真好食。

我欲食飯，我欲食飯，

腹肚枵，腹肚枵，

雞卵、鴨卵好食，

魚仔、蝦仔好食，

真好食，真好食。

　

放風吹

放風吹　放風吹　來去外口面

放起去　放起去　飛去天頂去

真歡喜　真歡喜　索仔煞斷去

飛起去　飛起去　飛佮無看見

真趣味　真趣味　風吹予風吹去

　

坐飛機

坐飛機看天頂

坐大船看海湧

坐火車看風景

坐公車錢較省

坐牛車順續會當挽龍眼

感謝天感謝地

感謝天，感謝地

感謝阿娘佮老爸

感謝汝，感謝伊

感謝恁所賜个一切

感謝每一个儂，每一个日子

予我平平安安，歡歡喜喜

感謝萬物，無論大佮小

感謝天地个一切。

　

我有一個夢

我有一個夢

雖然阮這麼細漢

不知天地這麼大

但是有你來作伴

我有一個夢

雖然阮這麼細漢

不知天地這麼重

感謝有你來疼痛

歡喜有仰望

念謠學台語

芎蕉欉（跳繩遊戲）

芎蕉欉，繡球紅，開花二十一，

二五六，二五七，

二八二九三十一。

　

掠指頭仔

林投、戴斗，目蝨、家蚤，

家蚤　無宓，老公仔保庇，

尪仔頭、嘰啁。

　

看見天

看見天，看見地，

看人袂使無目地。

好禮來，笑面回，

大人囡仔歡喜濟。

　

↑Top