阮這口灶

東芳國小黃美雲

阿媽：南無喝囉怛那哆囉夜耶，南無阿利耶婆嚧吉帝，爍皤囉耶，娑婆訶，唵，悉殿都，漫多囉，跋陁耶，娑婆訶。求佛祖保庇咱臺灣風調雨順、國泰民安，阿彌陀佛。

阿媽：乖孫仔，給阿媽看嘜咧，這嘛是幾點啊！

孫仔：阿媽！這嘛六點啊啦。

阿媽：按呢我緊來開電視，看一下啊楊麗花歌仔戲咧。

電視人物楊麗花：我身騎白馬走三關，改換素衣回中原。

電視廣告：感冒頭痛流鼻水，請用三支雨傘標友露安，有效喔！

阿媽：那會看無兩分鐘就咧廣告啊咧？

孫仔：阿媽！這嘛咧廣告，我來切布袋戲來看喔。

電視人物藏鏡人：哇哈哈哈……順我者生，逆我者亡。

史豔文，你死期到囉。

電視人物史豔文：藏鏡人你走那裡去，趕緊束手就綁啦！

電視旁白：緊張！緊張緊張！刺激！刺激刺激！史豔文大戰萬惡罪魁藏鏡人三百回合不分勝負，就在這個時陣，金光閃閃，瑞氣千條…。

叮咚！叮咚！

阿媽：乖孫仔！去開門，看啥人來。

孫仔：喔！

孫仔：阿爸！你轉來啊喔！

阿爸：恁咧看電視喔，來來來，我來切一下啊澎恰恰个鐵獅玉玲瓏予大家看嘜咧。

電視人物：阮是可愛个女紅妝，生做是古錐仔淡薄仔俗，希望恁健康又快樂，作伙來收看，鐵獅玉玲瓏。

電視人物貴寶：大家好！我是人看人呵咾，鬼看鬼跋倒个貴寶。

電視人物珠寶：大家好！人阮是媠甲親像珍珠瑪瑙个珠寶。今仔日，珠寶欲來為大家介紹个是咱閩南語个「盤喙錦」。

電視人物貴寶：ㄐㄧㄡㄉㄡ ㄇㄚ ㄉㄟ 請教一下啊咱珠寶小姐，啥物互做「盤喙錦」？

電視人物珠寶：講互你捌，喙鬚就好拍結，盤喙錦就是國語繞口令啦！你耳仔挖互利，注意聽喔！

      (一)樹頂一隻猴，樹跤一隻狗，猴跋落來壓著狗，猴走狗嘛走，毋知是猴驚狗，抑是狗驚猴。

      (二)和尚挵破鼓，鼓破用布補，毋知是布補鼓，抑是鼓補布。

      (三)我就是毋知啊你毋知，遮問你知毋知，我那知曉你毋知，就袂問你知毋知。

      (四)一個剃頭个，去互一個剃頭个剃頭，這个剃頭个看著彼个剃頭个咧甲別个剃頭个剃頭，氣著，無愛互這个剃頭个剃……剃頭，喔！這粒頭有夠歹剃。

電視人物貴寶：笑死人，講著伊外一？佇遮漏氣步盡展，吃無三把蕹菜著欲上西天。我貴寶啊今仔日輸人毋輸陣，輸陣就歹看面，這嘛就好酒沉甕底來為大家介紹咱閩南語唐詩吟唱。

                春曉   孟浩然

         「春眠不覺曉，處處聞啼鳥；

           夜來風雨聲，花落知多少。」

孫仔：阿母！你那給電視切熄啦！

阿母：食飯皇帝大，我煮好啊！大家趁燒來食飯啦！

阮這家伙邀請大家，有閒來阮兜食飯喔！多謝大家。