教學評量多元化    東芳國小黃美雲

　　為著會凍吸引咱學生囝仔對閩南語課產生興趣，阮定定會設計一寡較趣味的教法佮教具配合教村親像用故事戲劇的方式，予學生湊陣來演戲，有時陣若上著有關布袋尪仔順紲利用時間唱歌仔戲，若是上著紹介果子單元，阮就設計趣的「踅夜市」的教學活動，先用尪仔圖佮實物教唸幾遍了後才予全班的囝仔講出 上愛吃的果子， 就愛khia7起來，綴佇老師的身軀後行，煞落來比賽啥人後面綴上濟人伊就是冠軍者，藉著這个活動，一來訓練囝仔的記憶力，二來予 重覆練習果子名，會當佇趣味中學台語。

　　講著教具的方面，阮嘛真用心咧準備，親像有一擺教著認識色彩，課本內面並無「灰色」，嘛無「靛色」，阮就共阮查某囝仔的布尪仔象掠去予逐家看，趕緊上網揣「靛色」的尪仔圖予學生看。豐富的教具對教學佮學習者攏有真大的幫助，親像我有時陣會設計圖卡傸賓果遊戲，佇傸的中間，予學生擱較加深印象，無論是發音，抑是認圖攏進步真濟，以上是阮配合鄉土語言教材研發創新教法教具的紹介。